Formulario do torneo.
A Concellería de Educación, a Asociación Cultural Xaquedrum coa coaboración de Confecciones Yute, Sogama, El Progreso, Casa Paco e Telelugo, organizan o IX Torneo FESTA FINAL AO XADREZ .
Celebrarase na Praza Maior o próximo sábado 25 de maio pola tarde de 16.00 a 19:30 h.
Os interesados en participar no torneo, deberán realizar a inscrición entregando o formulario o monitor do colexio ou escribindo un email a xaquedrum@gmail.com.
O torneo será totalmente de balde e os emparellamentos realizaranse a través do programa informático Swiss Perfect.
A inscripción poderase realizar ata o 22 de maio ás 16 horas, os que non se inscribiron neste prazo non poderán participar. A inscripción pecharase cos 140 primeiros inscritos. A Asociación Xaquedrum publicará un listado previo en www.xaquedrum.es, para que os pais e nais poidan confirmar a inscripción do seu fillo.
Neste torneo haberá seis categorías sub 8, sub 10, sub12, sub 14, sub 18 e familiares
A participación neste torneo supón a total aceptación das bases do torneo publicadas en www.xaquedrum.es
As GRANDES POSIBILIDADES DO XADREZ
O Torneo Festa final ao xadrez constitúe un dos múltiples eventos que leva a cabo Xaquedrum coa pretensión de que cada vez sexan máis os que ocupen parte do seu tempo na práctica do xadrez polos seus beneficios para o desenvolvemento das habilidades humanas vinculadas fundamentalmente á intelixencia, o pensamento, a memoria, a creatividade, o razonamiento lóxico e a resolución de problemas, pero tamén á amizade, o compañerismo, a solidariedade e a consolidación de valores no proceso de educación das persoas desde as máis tempranas idades. Tamén resulta de interese, e así se constatou por parte de diferentes estudos, na prevención de enfermidades dexenerativas como o Alzheimer e a demencia, ademais doutras propias de idades avanzadas.
RECOMENDACIÓN EUROPEA
E é que as vantaxes que trae consigo o xadrez non é algo novo. Xa a Comisión Europea, consciente das mesmas, recomendou incorporar a práctica do mesmo ao deseño curricular escolar pola súa importancia crave no proceso formativo de futuros adultos. A introdución no ámbito académico lucense está xa garantido por parte de Xaquedrum, sendo esta asociación un punto de referencia a nivel autonómico e nacional.
