David Lariño imponse no Torneo de Xadrez de Muxía
? David Lariño acábase de proclamar campión do prestixioso Torneo de Xadrez de Muxía con 8 de 8.
? Paula Quintás campiona feminina no Torneo de Muxía e o canterano David Carballo logra un meritoso décimo clasificado empatando có Mestre Internacional Arian González.
TORNEO DE XADREZ DE MUXÍA
Un ano máis veu celebrando o prestixioso Torneo de Xadrez de Muxía. É un torneo de xadrez rápido que todos os anos conta con fortes xogadores especialistas neste ritmo. Cada xogador dispón de 10 minutos máis un incremento de 2 segundos por xogada para xogar as súas partidas. Un ritmo moi rápido, onde cada xogador dispón dun tempo moi limitado para tomar as súas decisións en cada unha das xogadas e é moi espectacular para os afeccionados a este deporte.
O torneo xogouse a sistema suízo a sete roldas, e onde participaron 73 xogadores.
David Lariño da Escola Luguesa de Xadrez demostrou unha vez máis o seu bo nivel de forma ao impoñerse neste prestixioso torneo logrando todos os puntos e contando as súas partidas por vitorias.
David Pérez Carballo con cinco puntos e medio que quedou no décimo posto, logrando un meritoso empate có mestre internacional Arian González, o que demostra o bo nivel do novo xogador da Escola Luguesa. Outra gran alegría para o xadrez lucense foi o primeiro posto na categoría feminina de Paula Quintás.
